أول حاجة نحضر صوص نرحي البصل والثوم ونوضع في كسرونة القليل من الزيت وصدر الدجاج والبصل والثوم ونخليهم يتقلو ونزيد الملح والتوابل ونقليهم ونزيد الطماطم المصبرة والطماطم كعب نكون رحيتهم ونقليهم مليح ونزيد القليل من الماء الدافئ ونغطيها ونخليها

ومن بعد نقي الباذنجان ونقصو شرائح ونقليه ومن بعد في مول فيه ورق الطهي نوزع الباذنجان كما موضح في الصورة ونكون نحيت صدر الدجاج من لاصوص وفتفتو ونوضعو فوق الباذنجان ونزيد الفرماج ومن بعد نروليه كما موضح في الصورة

وننصب هذاك لاصوص فوق الباذنجان وندخلو للفرن نطيبو من تحت ونزيد نحل عليه من فوق يتحمر ونخرجو نخليه يبرد شوي ونقصو وشهية طيبة