مسقعة بالبشاميل 🍽
المسقعة هي اكلة بتتكون بشكل رئيسي من الباذنجان والبطاطس وبالرغم ان المصريين ضافوا لها كتير الى ان الاكلة من اصل "يوناني" وبتتسمى "موساكا".
المسقعة بتتحضر بكذا طريقة وكذا مكون وكل دولة ليها طريقة معينة بتحضر بيها المسقعة وفي مصر بنقدمها بطريقتين وفي الوصفة دي هنحضر واحدة منهم وهي "مسقعة البشاميل".
#وصفات_بالباذنجان
#الشيف_الذهبي
مسقعة بالبشاميل 🍽
المسقعة هي اكلة بتتكون بشكل رئيسي من الباذنجان والبطاطس وبالرغم ان المصريين ضافوا لها كتير الى ان الاكلة من اصل "يوناني" وبتتسمى "موساكا".
المسقعة بتتحضر بكذا طريقة وكذا مكون وكل دولة ليها طريقة معينة بتحضر بيها المسقعة وفي مصر بنقدمها بطريقتين وفي الوصفة دي هنحضر واحدة منهم وهي "مسقعة البشاميل".
#وصفات_بالباذنجان
#الشيف_الذهبي
الخطوات
- 1
اول حاجه بنقطع البطاطس والباذنجان حلقات وتكون عريضة شوية
- 2
بنحمر البطاطس الاول وفالوقت ده بيكون الباذنجان منقوع فماية بملح..
- 3
وبعد منخلص تحمير كل البطاطس نبدأ نحمر الباذنجان ولما يجهز بنرش رشة ملح وفلفل اسود على البطاطس والباذنجان المتحمرين (وفوقت التحمير ممكن نبدأ نعصج اللحمة ونحضر البشاميل)
- 4
في حلة صغيرة نحط الزيت وعليه البصل ونبدأ نحمره لحد ميدبل (ممكن نرش رشة ملح على البصل وده بيساعد انه يتحمر بسرعه) بعد مالبصل يذبل بنحط الثوم ونبدأ نحمره وبعده ورقة اللورى وبعد منقلبهم بننزل باللحمة المفرومة
- 5
ونبدأ نحمرها لحد ما لونها يبدأ يغمق ويختفي لونها الاحمر وبعدها نهدي النار (النار الهادية بتخلي اللحمة تتفتت معانا وهي بتستوي ومتكنش متكتله)
- 6
لما اللحمة تقرب على السوا بنعلي النار تاني وبنحط ملعقة الخل الصغيرة (بتدي للحمة مزازة حلوة) وبعدها ملعقة الصلصة وكوباية عصير الطماطم، الملح، الفلفل الاسود، الزعتر، رشة القرفة، رشة جوزة الطيب، مكعب المرقة وننزل بنص كباية الماء
- 7
نسيب اللحمة على النار لحد مالمايه اللي فيها تتبخر خالص ونشيل بعدها ورق اللورى
- 8
وعقبال ماللحمة تجهز بنحضر البشاميل.. بنحط الزبدة او السمنة في حلة وبعدها الدقيق (بنحمر الدقيق حاجه بسيطة جداً يعني يذوب نقلبه لمدة دقتين بس)
- 9
بعد كده بنحط اللبن ونرفع الحلة من على النار وبنقلب اللبن والدقيق لحد مالدقيق يذوب في اللبن وبنرجع الحلة على النار تاني ونحط كباية الشوربة، الملح، رشة الفلفل الاسود، رشة جوزة الطيب ونقلب بالمضرب اليدوي لحد ميتقل البشاميل ونطفي النار عليه.. لما البشاميل يبرد شوية بنكسر فيه ال3 بيضات ونرش ملح وفلفل اسود بسيط عشان الزفارة ونقلب وكده البشاميل بيكون جاهز
- 10
في صينية نبدأ نرص طبقة البطاطس
- 11
وعليها طبقة الباذنجان
- 12
وناخد اللحمة المفرومة نحط عليها 6 ملاعق بشاميل ونقلبها
- 13
ونحط طبقة اللحمة في الصينية
- 14
وعليها طبقة البشاميل كله
- 15
بندخل الصينية فرن متوسط الحرارة لمدة 45 دقيقة وبعدها نفتح الشوايه لحد ما الوجه يحمر وبتتقدم مع العيش او الرز الابيض.
وصفات مشابهة
-
مسقعة بالبشاميل مسقعة بالبشاميل
#وصفة_صديقي قديمة واعجبتني وزوجي وزوج بنتي بيحبوها اوي من ايدي
-
-
-
-
-
-
-
مسقعة باللحمة المفرومة ، مسقعة بالبشاميل مسقعة باللحمة المفرومة ، مسقعة بالبشاميل
من اكتر الوصفات المقربة لقلبي 😋😋
-
مسقعة بالبشاميل ، او المسقعة اليوناني مسقعة بالبشاميل ، او المسقعة اليوناني
والصفة دي بقي ترند فقلبي يا جماعة بجد ❤😚 ، وحياة ربنا هتسألوني ايه اكتر وصفة اكل عجبتك يا اماني في ٢٠٢١ هقولكم الوصفة دي بجد دماااااار 🙈🙈 وطبعا عملاها بطريقتي 👌😉 -
مسقعة بالبشاميل بدون لحم (اقتصادية) مسقعة بالبشاميل بدون لحم (اقتصادية)
بسبب الازمة الاقتصادية العالمية ، أطلقت حملتي الجديدة حملة #اطبخها_اقتصادي ، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد ، والله ولي التوفيق 🌷🌷لمعرفة التفاصيل رجاء التواصل معي علي صفحتي علي الانستجرام Amany Eslam Kitchen@chef_amany_hamada_shehata -
صينية مسقعة بالبشاميل صينية مسقعة بالبشاميل
#اكلات_بالفرن حلوة وشيك اوي في المناسبات والعزومات
وصفات ننصحك بمشاهدتها
التعليقات