نقوم بوضع الماء على نار عالية للمكرونة وننتظر حتى غليان الماء..

نقوم بعصر الطماطم مع الفلفل ونصفيه تمامًا

في هذه الاثناء نقوم بوضع مكعب الزبدة في حلة اخرى وعليها ملعقة الزيت ونضع البصل وننتظر حتى يذبل البصل ونقوم بوضع الطماطم و٢ كوب ماء ومعلقتين معجون الطماطم ونسيبها تتسبك وتتقل

وفي طاسة نقوم بوضع السمن او الزبدة وعليهم الثوم وننتظر حتى يتحول للون ذهبي ونقوم بوضع شرائح الكبدة ونقلب وننزل عليهم بالفلفل الاخضر وعليهم الملح والفلفل والشطة وبهارات اللحمة ونقلب شوية وبعدين نحط كوبين الماء ونسيبهم على نار متوسطه

طبعاً الماء في الحلة هيكون غلى نقوم بوضع الملح والمعكرونة ونفضل نقلب نقلب لحد ما المعكرونة تذبل كدا ويكون لونها بقى ابيض وتتقطع في ايدينا بس بصعوبة يبقى استوت نص سوا.. نصفيها بقى ونشيلها على جمب

على ما المعكرونة تستوي هنلاقى الكبدة الماء اللي فيها خلص واستوت نطفى عليها والصلصة هتكون تقلت واستوت.. نطفى عليها..

نحط نص الصلصة على المعكرونة ونقلبها كويس..

نجيب الطواجن بتاعتنا.. انا جبت حلتين بورسلين عندي مقاس صغنن خالص واللى فوقة بغطاهم ودهنتهم زيت وحطيت الكبدة الاول وبعدين المعكرونة وسويتها في الحلة بالغطاء علشان تبقى مرصوصة

نخفف بقى نص كمية الصلصة بتاعتنا اللي باقية بكوب الماء وبعدين نقلبها على الطواجن ونرش الجبنة الموزاريلا على الوجه ونغطي على الطواجن ونحطها في الفرن على درجة حرارة ٢٢٥..

لحد ما تستوي ونشيل الغطا علشان الجبنة تتحمر شوية وبالف هناء وشفاء 😍😍😍