من بعد نشمخ الحشو قليلا فقط مثل الكسكس ندهن البلاطو لي راح نطيبو فيه بالزبدة نفتح اول كرية على حوض البلاطو ندهن بالزبدة لي ذوبتها واضفتلها خميرة نفتح كل الكريات السبعة وندهن فيما بيناتهم بالزبدة والكرية السبعة ما ندهنش نضع عليها الحشو وهاك نعمل بنفس الشي مع الكريات السبع الاخريات واخر طبقة فتحتها كالرشتة

لما نكمل ونسوي مليح نقطع بواسطة سكين انا اخترت المربع باش يجوني حبات قدقد لان البلاطو مستطيل وفي كل حبة درت وسطها كوكاوة تركت البلاطو ساعتين بدون طهي ثم طبختو على نار قليلة على مهلها يعني البقلاوة اطيب ولما استوت تقريبا ساعة عسلتها بعسيلة عاقدة وباردة انا نفضل البقلاوة بالعسل نونورس تجي بزاف بنينة بيه تركتها باتت ليلة كاملة ثم قطعتها وقدمتها لزبونتي جات هايلة مشاءالله ربي يكثر الافراح يارب العالمين

ولعقوبة لكل ولية ولوليداتكم ان شاءالله