اول حاجه هنسلق المعكرونه في مياه فقط و لحد ما تخلص هنجهز الصوص في طاسه على النار هنشوح الفراخ في ملعقة زيت ذره على زيت سمسم لحد ما تأخذ لون ذهبي و نضع الفراخ في طبق و في نفس الطاسه هنضيف الخضار و عليه الثوم و الزنجبيل و نشوحهم لمده دقيقتين بس عشان الخضار لازم ما يتهري

‎و في طبق صغير هنخلط الصوصات و الكاتشب و النشا و عسل ابيض و رشه ملح بسيطه جداً عشان الصوصات بتكون مالحه و فلفل اسود و ربع كوب مياه ونضيف الخليط ده على الخضار و نقلبهم كويس و نضيف المعكرونه و الفراخ ونقلبهم لمده دقيقتين و بالهنا و الشفا جربوها و قولولي رأيكم طعمها بجد خطيير