اول حاجة نحطو القديد في الما السخون بأه ينقصلو الملح تاعو

نرحي البصل ولا نسكرفجو نحط الثوم و الطماطم المصبرة و الحبة نرحيها تان ااذا حبينا الدجاج و نحطهم على نار هادية يتقلاو و نبدأ نحطلهم لبزيبيس فلفل اسود على رأس المغرفة عطرية كزبرة و شوية دبشة (كزبرة)

يتقلاو مليح نزيد معهم القديد تان و نضيف الما يتقلاو الملح ما نكت وجه خاطر القديد يطلق الملح تاعو في المرقة نمرقو عينك ميزانك و نسكر الكوكوطة حتان (حتى) يطيب (يستوي) القديد

نحلو عليه نحطو القديد و الدجاج ولا اللحم اذا درتي و نحطو فيه العيش الحب تاع العيش و نخليه يطيب (يستوي) على نار هادية حتان (حتى) يطيب (يستوي) الحبات بلا ما نصكرو الكوكوطة

كي يطيب (يستوي) نطفيو عليه و نديرو لو الدبشة و نزيد النعناع الميبس

وشهية طيبة