في صحن نحط حليب بودرة نضيفلها الفرينة ونخلط

نضيف السميد و الزبدة و نبسس مليح الخليط

بعدها نضيف عصير الليمون والخميرة الكيميائية ونخلط ونضيف قرصة ملح ونخلط

بعدها نضيف الحليب بالتدريج حتى يتجمع الخليط نتحصل على عجين طري بزاف

نغطيها ونخليها ترتاح حوالي 10 دقائق

بعدما رتاح العجين نشكلوا كريات صغيرة نحاول اني نكورها مليح في هذه الاثناء نسخن الزيت باه نقليهم

الان نحضر السيرو نحط السكر و الماء والليمون ونحطهم على النار حتى يثقال السيرو نطفي عليه ونخليه على جنب

بعدما سخن الزيت نحط الكريات بالعقل على نار متوسطة و ما نحركمهش خلاص حتى يبداو يطيبو نقلبهم حتى نكمل نقلي كل الكمية

بعدها نشعل على السيرو كي يبدا يغلي نحط فيه الكريات و نطفي عليه و نقلبهم مليح حتى يتشربو السيرو تقريبا 5 دقائق

بعدها نحطهم في طبق التقديم و نصب عليهم السيرو المتحصل عليه و نرش عليه المكسرات و شهية طيبة