الزيتون التفاحى

اولا أغلى الماء واتركه يبرد واحدقه بالملح بأختبار البيضه إذا عليت إذا كده مظبوط واذود زياده ملح لانه بيحافظ على الزيتون.

اغسل الزيتون والفلفل وبالسكين أشقه من فوق علامه + كروس والفلفل اقطعه لو طويل او اشكه بالسكين بحيث الملح يدخل فيه وماء الليمون

اغسل الكرفس واقطعه وأفرمه فى كبه الخضار

هاتى الجزر وافرميه صغير أو أبشريه

هاتى الفلفل الاحمر وافرميه هريسه

أعصرى كيلو ليمون بحيث يكون ٢كوب عصير ليمون

قطعى كيلو ليمون شرائح

احضر الزيتون واغسله جيدا فى طبق واضيف جزء من الكرفس والجزر والفلفل الأحمر و نصف كوب زيت الزيتون عليه وشويه ملح واقلب بملعقه جيدا

احضر البرطمان بعد تعقيمه بالماء الساخن واضع طبقه من الفلفل وشويه خلطه من الجزر والكرفس واضع طبقه من الزيتون واضع شرائح من الليمون وهكذا لنهايه الكميه واضع اخر حاجه طبقه من شرائح الليمون وأضغط جامد

اضع ٢كوب عصير الليمون وأكمل بالماء المالح الجاهز سابقا البارد واترك جزء بسيط من البرطمان

اضع كيس نضيف فوق شرائح الليمون وأضيف زيت وأقفل البرطمان جيدا.

اضع وعاء تحت البرطمان لانه بيفور واتركه ينضج لمده ٢٥يوم ارج البرطمان كل يومين من وقت للأخر حتى يتم نضجه وافتح عليه بعد كده اخد منه بملعقه جافه واضعه فى التلاجه وبألف هنا وشفاء.

ممكن اعمله فى برطمان كبير الاول وأفرغه بعد السوى فى برطمانات اصغر وأضعه فى التلاجه الطعم حكايه

ملحوظه ممنوع وضع خل أو ثوم فى التفاحى عصير الليمون والجزر والكرفس بيعطيه مذاق مميز واجمل 😋