العجينة: في اناء نضع 2 كيسان حليب + نصف كاس زيتو نخلط نضيف عليهم بياض بيضتين

ونخلط نضيف سكر والخميرة ثم نضيف عليهم كاس فرينة مع كيس خميرة كيميائية ونخلط ونكمل نضيف الفرينة تدريجيا مع الملح ونخبط العجين بيدي حتى تتلم لعجينة

ونتحصل على عجينة طرية شوية تتلاصق ونعجنها واحد 5 دقائق

نقرصها بالحجم لي راكي حاباتيه ونخليها تخمر تقريبا نصف ساعة

تتبيلة الدجاج: في اناء نضع دجاج مقطع + توابل + عصير ليمون + معدنوس + بصل + كمية من الخل + 2 مغارف زيت ونخلط مليح اذا حضرتيه من قبل احسن و حطيه في مقلة على نار هادئة حتى يطيب الدجاج

صلصة الطماطم: في مقلاة نضع زيت + قليل من البصل معليش مقطع كبير تخليه حتى يذبل نضيفيلو طماطم نحولها القشرة و نقطعوها قطع كبيرة و نخلوها طيب اومباعد نرحيوها ونضيفولها طماطم مصبرة + توابل + ملح ونخليوها شوية فوق النار ونضيفو شوية معدنوس ونطفيو

نفتح العجينة لي تكون خمرت بلا ما نكسر تخمر ونحطلها صلصة الطماطم + دجاج + فلفل نربيلها جبن الشيدار وجبن احمر فلفل وذرى

ماشي لازم تتقيدي بواش درت انا كل واحد واش يحب ياكل ونخلوها طيب

الكاس المستعمل 25 ملل

للامانة هاذ الوصفة تاع ديتها من قناة الاميرة على اليوتيوب جات روعة يطيها الصحة جربوها والله ماتندمو