أولاً في طبق غويط نضع البيض والسكر والفانيليا والخل ونضربهم بمضرب كهربائي كويس جدا بعد كدة نضيف اللبن والزيت ونخلطهم مع بعض وبعد كده نضيف الدقيق والكاكاو والبيكنج بودر ونقلبهم مع بعض كويس وياريت ننخل الدقيق والكاكاو عشان الكيكه تكون هشة معاكي 😍

نحضر صينية مستطيلة وندهنها ذبدة ونرشها بالدقيق وبعدين نضع فيها الخليط وندخلها الفرن على درجة حرارة ١٨٠ حوالي نصف ساعة ولما تستوي نخرجها من الفرن ونسبها تبرد 😍

بعد كده نعمل ثقوب في الكيكة بخلة الشيش طاووق وبعدين نسقي الكيك بكوب اللبن المضاف إلية النسكافية😍

نحضر طبقة البودنج بنضع اللبن والسكر والفانيليا والنشا والكاكاو في حاجة مناسبة ونضع الخليط على النار ونقلب لحد لما يتقل القوام ويكون كريمي مثل المهلبية😍

نحضر الكريمة عن طريق خلط كيس الكريم شانتي مع اللبن المثلج والكاكاو بالمضرب الكهربائي كويس جدا لحد لما يتقل القوام ويكون كريمي 😍

بعد لما البودنج أو المهلبية يبرد بنضيفه على الكريمة ونخلطهم مع بعض وبعدين نضعهم فوق الكيكة ونوزع البودنج على الكيك كلها وبعدين نضع عليها شيكولاته مبشورة وندخلها الثلاجة ساعة وبعدين قطعيها وقدميها بعد كدة وبالهنا والعافية بجد روعة وطعم خيال🤩 بجد جربيها هتعجبك جداً 👌😘💓