انجح طريقة لعمل الكنافة بالبيت

ندهن صنية بالسمن النباتي أفضل سمنة ممكن تستخدموها سمنة الغزال

نضع القليل من صبغة الطعام رشة صغيرة وندهن الصينة مرة اخرى

نضيف القليل من السمن لعجينة الكنافة وتفرك جيداً (السمنة مقدار فنجان صغير)

نبدأ برش العجين بالصينة الموجود فيها السمنة والصبغة (العجين لازم تكون بالتساوي بالصينية)

نقوم بالضغط جيداً على العجين حتى تتماسك جيداً بالصينية ونضع الجبنة فوقها ونبعدها عن الاطراف لانها بتسيح

عندك حرية الاختيار بتحمير الكنافة على الغاز او بالفرن ويفضل تحميرها على الغاز للمبتدئين

نضع الصينة على الغاز ونبدأ بلف الصنية على كل الاتجهات حتى يتحمر الاطراف جيداً (انتبهو ع التحمير لانو مرات ما بتكون محمرة منيح بس اطرافها يكون عليها من لون الصبغة انتبه منيح على هالملاحظة)

اذا حبيتي تعمليها بالفرن تحمي الفرن ع درجة 180 وحطيها على الرف الاوسط واتركيها 10 دقائق ولما تطلعيها تأكدي من تحمير الاطراف

تخليها بالصنية من دقيقتين الى ثلاث دقائق وتقلبيها ع سدر تحطي السدر فوق الصنية وتقلبي ايدك مباشرة

نسكب عليها القطر

ملاحظة تحظير القطر كل كأسين سكر كاسة مي لازم استخدام نفس معيار الكاسة وعصرة ليمون شوي تتركيه ع الغاز من دون ما تحركيها و اول ما يغلي القطر وطي الغاز تحته واتركيه 3 دقائق على نار هادية بعدين تسكري الغاز وتتركي القطر يبرد يشترط ان يكون قطر الكنافة بارد

وصحتين وعافية يا رب وان شاء الله تعجبكم

يمكن استبدال عجين الكنافة بخبز الحمام المطحون منيح او خبز التوست لتسهيل الطريقة عليكم ومكونات سهلة ومن البيت وان شاء الله رح اعملها بفيديو تطبيق وانزله