في وعاء نحط 2 بيض مع 2كوب حليب و نخلط مليح بالفووي ،بعدها نضيف 1كوب فرينة مع رشة ملح نخلط جيدا و نخليه يرتاح

نحضر مقلاة نحط فيها 2 ملاعق كبيرة زيت و نضيف البصل مع رشة ملح ونخليه حتى يذبل شوية ونحط كمية من الدجاج المرحي (أنا حطيت نصف صدر دجاج)مع فلفل أسود، راس الحانوت،كركم و نبقى نحرك فالدجاج باش ما يبقاش كتلة وحدة ،بعدما ندشش الدجاجمليح نغطي عليه و نخلي التوابل تلعب دورها

بعد ذلك نضيف حبة طماطم مرحية ونحرك مليح ونخليه ينضج.لما يطبخ نضيف زيتون مقطع وجبن ونحرك والحشوة ساخنة باش يذوب الجبن و نخليه يبرد

في هاذ الأثناء نشعل الفرن درجة متوسطة و نحضر مقلاة (يلزم ما تلصقش)و نحط عليها شوية زبدة أو زيت ونمسحها بورق الماص ونحط شوية من خليط الكريب في المقلاة وندور المقلاة بيدي حتى يمشي الخليط في كل الجوانب وننتظر حتى يستوي و نقلبو.لما يستوي من الجهة الثانية نحطو في صحن ونكمل بنفس الطريقة

لما ننتهي من طبخ الكريب نحضر واحدة ونحطلها شوية من الحشوة ونشكل الحشوة مثل المربع و نطوي الكريب على حساب المربع. وننهي الكل بنفس الطريقة

بعدها نحضر مقلاة ونحط ملعقة كبيرة من الزبدة ونحمر الكريب من الجانبين حتى يأخذ اللون الموضح في الصورة.نكمل بنفس الطريقة حتى نكملهم وقدميهم مع الشوربة وبالصحة والعافية 😁