تغسل العكاوى وتسلق فميه ساخنه ونحط عليها فلفل أسود وحبهان وورق اللورا والقرفة الخشب حبة الطماطم وبعد متستوى نحط الملح

نقطع البصل جوليان ونشوحه فشوية زيت ونحط عليه فصين توم مفرومين ناعم ونقلب كويس

بعد كدة نحط الفلفل الاخضر ونقلب كويس جدا وبعدين نحط معجون الطماطم ونقلب تانى ونحط البطاطس ونسيبهم يتشوحو كويس اوى مع بعض ٣ دقايق

هنسخن الفرن ونحط فيه طاجن فاضى عشان يسخن

وبعدين هنحط العكاوى على البطاطس والبصل ونقلبهم ونظبط الملح والفلفل الأسود ونديهم تقليبه ونسقى البطاطس من شوربة العكاوى بعد منصفيها ونديها تقليبه وغلوة ونفضيها فالطاجن ونغطيه بفويل ونحطه فالطاجن لمدة نص ساعة لحد ما البطاطس تستوى ونفتح الشواية عشان وجه الطاجن يتحمر وبتتقدم مع رز بشعرية او رز ابيض حسب الرغبة وبالف هنا وشفا