نبدأ بالجينواز ، نخلط البيض و السكر بالباتور و لا بالبيتران حتتان يطلع و يولي كريمي و يولي ابيض اللون و نزيدولو الفرينة و الكاكاو و الخميرة مغربلين ، و نخلطو من التحت للفوق باه مايهبطش الخليط و يفسد.

نجيبو المول (انا المول نتاعي مدور قطر نتاعو 25 سنتيمتر)ندهنوه بالزبدة ، و نديرولو الفرينة على الحواشي باه مايصلقش و ندير فيه الخليط و نحطو في الفرن لي كنت سخنتو من قبل.

نوجد الكريمة ، نطلع الكريم شانتيه مع الحليب البارد ، و نزيد معاه دانات و نخلط مليح.

كي طيب الجينواز ، نشربها بكأس ماء و نص كاس سكر و ترونش قارص (ليمون) ، لي كنت غليتهم لمدة 10 دقائق.

منبعد ندير فوقها كريمة الشانتيه.

نجيبالشوكولاته نذوبها في حمام مائي ، كي تذوب نزيدلها زوج علب دانات و لا علبة على حساب كمية اشوكولا لي ذوبتيها.