شخشوخة النعمة
حنا في الشرق نقولها النعمة هيا كل وحدة تقولي فالتعليق كيفاه يسموها في منطقتكم
شخشوخة النعمة
حنا في الشرق نقولها النعمة هيا كل وحدة تقولي فالتعليق كيفاه يسموها في منطقتكم
الخطوات
- 1
بالنسبة للعجين نخلط الدقيق معا الفرينة مليح ونبدا نسكب الماء بالتدريج حتى نتحصل على عجين متماسك ونعجن باليابس مليح حتى يولى يطرطق ونزيدلو الماء بالتدريج ونعجن حتى نتحصل على عجين طري بعدها نظيفلو الملح ونحاول ندخلو مليح فالعجين نغطيها بالنيلو تركح مدة ساعة بعدها نشكلها كريات صغار ونغطيهم وتخليهم مدة ساعة أخرى كما موضح في الصورة انا قسمت العجين على اثنين نص درتو شخشوخة ونص درتو محاجب
- 2
الخطوة الثانية المرق :نحظر كل المكونات ونرحي فالروبو البصل الثوم والطماطم مليح ونفرغو في كوكوط نزيدلو ملعقة الزيت والملح والتوابل وطماطم المصبرة الهريسة وقطعة اللحم او الدجاج كيف كيف ونقلي مليح حتى ينشف لاصوص ونظيف الماء الدافىء نغلق الكوكوط حتى يستوي اللحم ونظيف الخضرة نتاعي بعدما طيب الخضرة واللحم نحيهم ونقليهم
- 3
نرجعو للعجين لي خليناه ركح ساعة نبدا نطيب نحل بالزيت بالوحدة ونطيبها فوق طاجين الحديد انا لهنا ماقدرتش نصورلكم كيفاه طيبت نطيب وحدا فوق وحدا ونزرب نقلب ونزيد نطيبها على الحواشي ونفتتها نحطها في صحن التقديم نسقيها بالمرق نزينها بالخضرة لي قليتها وشهية طيبة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (15)