في إناء نضع السميد والفرينة والملح ونمزج المكونات ونزيد السمن بالزبدة نبسسهم مليح بيدنا المكونات ونغطيهم ونخليه يبات ليلة كاملة او على الاقل ست ساعات

بعد مرور ليلة نجبدو ونضيفلو كيلة تاع الماء المخلطة بالماء الزهر والبيضة ونمزجهم غير باطراف الاصابع ونخليه يرتاح نصف ساعة في هادي الاثناء نجيبو الغرس ونعجنو مليح بيدينا ونحطو يفور مدة عشر دقائق كي يفور الغرس نضيفلو كمية الزيت والماء الزهر والجلجلان ونمزجهم مليح ونجيب كمية من العجينة ونشكلها حربوش متوسط والغرس كذلك ونشكلهم مقروطات وننقشوهم بالنقاش

نكونو حاطين الزيت تسخن كي نجي نقلى نخلي النار متوسطة وغير نقليه نعسلو ملاحظة هامة منحمروش بزاف يكتسب لون ذهبي كي نزيد نحطو في العسل يزيد في اللون تاعو شوي وبالصحة والعافية