بسم الله اللهم صلي وسلم على نبينا محمد اولا نفرم صدر الدجاج نتبلو بملح وفلفل اسود وتوابل دجاج كركم وزنجبيل راس بصل مقطع يكون متوسط وفصين ثوم و مغرف كبيرة زبدة نعمل قريصات يكونو كبار ونقليهم في المقلة

وهنا قليت حبات بطاطا

في اناء وضعت الحليب دافئ والخمير والزيت تركتهم تفاعلوا من بعد اضفت بياض بيضتين والفرينةوالملح وبديت نلم في العجين بدون دلك تركت العجين يختمر من بعد هبطتلو الخمور وشكلتو كريات دهنتهم صفار بيض وتركتهم يختمرو من بعد طيبتهم في الفرن يكون ساخن من قبل

وهنا طيبت بيض مع الجبن قطع وجبن مبشور غسلت السلطة تاعي وقطرتها حسيت الخبز تاعي بعد ما جهز حسيتو حسب الشي المتوفر عندي المهم فرحت بيه سي فارس

وهنا الهمبرجر جاهز جا بزاف بنين والخبز هشيش وخفيف

شكر بزاف الاخت ام جنة وفردوس نقلها يعطيك الصحة جاني تووب الخبز