طاجين لبسباس

نغسل بسباس تاعي مليح ونجيب سكرفاج نسكرفجو عادي وهو اخضر فلجيهة كبيرة ونحطو بجيهة نرحي حبة بصلة رقيقة وفص توم

نجيب بسباس تاعي نزيدلو نص حبة تاع بصلة ونخلي نص الآخر باه نجهز المرق ونحط كيمة تاعي تاع الجاج مرحي مغرف خبز مرحي ملح توابل قليل من المعدنوس بيضة قليل من ثوم نخلط الخليط تاعي مليح حتى يتجانس مليح مع بعض ونروح نجيب طبسي تاعي فيه فرينة ونيجب بخليط تاعي تاع البسباس ونرمد كريات تاعي تاع البسباس فلفرينة كي نكملهم كامال نورخ في قدرة نحط زيت يسخن كي يسخن زيت مليح نبدى نقلي كريات تاعي كي يحمارو برك فوجه تاعهم نحيهم مش نطيبهم

من جهة أخرى كي نكمل كريات تاعي نقليهم في نفس القدر لي قليت فيه نجيب البصلة تاعي لي بقات نحطها تتقلى مع فص توم وشوية ملح وفلفل اسود ونخيلهم يتقالو مليح كي يتقالو مليح نزدي مغرف طماطم نقليها معاهم مليح حتى يتقالو مليح ونمرق بماء سخون مش بزاف كي يغلي المرق تاعي نرمي كريات تاعي تاع البسباس ونغطيهم وتخليهم يطيبو مليح حتى يعقد مرق تاعي ويطيب الجاج والبسباس تاعي نطفي عليه وشهية طيبة