شخشوخة ضفر

نغسل لخضرة تاعي مليح ونجيب بصلة تاعي نرابيها ونحط مغرف زيت تتقلى فلقدر تاعي ونحط طراف تاع الدجاج تاعي يتقالو مع لبصل مع شوية ملح وتوبال فلفل اسود وفلفل احمر وراس الحانوت نخليهم يتقالو مليح حتى يطلقو البنة تاعم مليح ونحط قصرونة تسخن ياه نمرق كي يتقلى لبصل تاعي مليح مليح ويتبل بصل تاعي مليح نجيب حبة طماطم مرابية مع مغرف طماطم مصبرة نخليهم يتقالو مع لبصل مليح ونمرق بماء سخون ونرمي خضرة تاعي لي نكون قطعتها على زوج ونقفل على كوكوط وتخليهم يطيبو

في هدا الوقت نجيب قدر وكساكاس نخليهم الماء يغلي فيها ونحط شخشوخة تاعي تفور الفورة الأولي مع ندهنو شوية بزبت ورشة ملح ونخليه يفور كي يفور الفورة الاولى تخضرها بشوية ماء ونخليها تنشف كي تنشف نرجعاها تفور الفورة ثانية كي تفور نعاود نحيها بصح المرة هادي نخضر بلمرق تاعي بشوية كي نكملك نخليها تنشف ديرلها مغرف طماطم وشوية فلفل اسود و دبشة ونخلطهم ونرجعها تفور للمرة ثالثة كي يطلع فيها لفوار نحيها نجيب المرق تاعي نحيلو الحمص ولحم وخضرة ونجيب شخشوخة تاعي ونبدأ نجمر فيها كي تتجمر ندرلها طرف زبدة ونقدمها

شهية طيبة