نخلط البيض والسكر وقرصة تع الملح والفانيليا جيدا

نضيف الزيت بالتدريج مع الخلط المستمر من الاحسن بالخلاط الكهربائي ولي معندهاش تخلط مليح باليدوي

نضيف الحليب ونخلط مليح

نضيف 2 كيسان فرينة والخميرة ونخلط

نزيد زوج وخدخرين رايح تتحصلي على عجينة طرية بزااف وتلصق فاليد

اقسميها الى قسمين قسم زيديلو الفرينة حتى تتحصلي على عجينة طرية ومتماسكة

والثاني تزيديلو الكاكاو ويلا حتاج الفرينة زيدي شوية انا اكتفيت غير بالكاكاو ورايحة تتحصلي على عجينة طرية ومتماسكة

وكل قسم من العجينة تقسميه على زوج رايحة تتحصلي على قسمين من العجينة البيضاء وقسمين من العجينة البنية

تبداي تحلي العجينة البيضاء على شكل مربع أو مستطيل على ورق الطهي ولا كيس بلاستيكي وتحطيها في سنيوة ويلا ما عندكش ورق الطهي رشي الفرينة على السنيوة وثقبي العجينة بالفرينة ووزعي فوقها شكولاطة الطلاء أو المعجون

ونفس الشي مع الطبقة الثانية ولي هي بنية حليها على نفس الطول وعرض الطبقة الأولى وثقبيها زديري عليها الشكولا

وهكذا مع كامل الطبقات وديريها طيب على درجة حرارة متوسطة طيب من التحت تشعلي من الفوق طيب وخرجيها تبرد

دوبي الشكولا وديريها من الفوق ويبقى التزيين اختياري

وقسميها معين ولا مربع كيما حبيتي وشهية طيبة