اولا نعمل الجينواز في صينية 25 /30 سم و ندوبلي المقادير علا حساب الصينية ناخذ 2 بيضات نضربهم مع السكر علا حمام مائي لكن مشي فوق النار نضرب حتى يطلع البيض نضيف الخميرة و الفرينة و الكاكاو نخلط غي بالعقل باش متهبطش نضعه في صينية مدهونة زبدة و مرشوشة فرينة و نضع ورق الزبدة ندخله الفرن تطيب و نتركها تبرد

ثم نحضر الفلون ناخذ كسرونة نحط لتر ماء و الفلون و السكر المايزينا الشكولا نخلط بارد في بارد و نضعه فوق النار و انا نخلط حتى يثقال الخليط نفرغو مباشرة فوق الجينواز نتركها تبرد جيدا ثم نضع فوقها طبقة رقيقة من الشونتي اللي كنت طلعتها بكاس ماء نتركها تبرد ثم نحط فوقها شيكولا مذوبا نزيدلها علبة دانيت نخلط و نحطها فوق الشونتي نمشيها و نزين حسب الرغبة و نتركها تبرد جيدا و نقدمها