طعام بمرقة بيضة كيما اي مثل تاع زمان

في إناء نضع رطل طعام نشمخوه بكمية من الماء ونخلوه ينشف من جهة نجيب قدر نضع فيه اطراف الدجاج والبصلة مكرفجة والحميصة والتوابل والملح ونخليه يتقلاو شوي

ثم نضيفلهم كمية تاع ماء ونخلي الدجاج يطيب (يستوي) نص طياب باه نضيفلو الكورجات المقطعة وحبة البطاطا وكي يطيبو وقبل مانطفي عليه نضيفلو مكعب الدجاج ونطفي عليه

بالنسبة للطعام كي ينشف ندهنو بشوي زيت ونفورو التفويرة الاولى ثم نجيب كاس ماء مع شوي ملح فيه ونشمخ الطعام ونخليه يشرب ونزيد ندهنو بالزيت ونديرو يفور التفويرة الثانية ومبعد ندهنو بالزبدة ونقدمو مع المرق ملاحظة ديرو الطعام يفور فوق المرقة باه تجي بنة هايلا وبالصحة والعافية