سمك بوري من غير كلام كتير 😜😜😜

بسم الله دة السمك البورى بتاعنا نظفتة كويس اوى وعصرت علية ليمون من جوة ومن برة

هجيب الكبة احط فيهاالتوم والبهارات كلها وافرمها وتبقى بالشكل دة

اتبل السمك بشوية من التتبيلة كل حتة بالسمكة برة وجوة واعمل خطوك بالسمكة وادخل بيها التتبيلة بالشكل ده

اغطى السمك بورق الفويل او الامونيوم واحطها بالفرن لمدة ساعة الا ربع بعد كدة تشيلى الورق من علية وتشغلى الشواية على السمك ياخد لون ويشمع السمك ويخلية شكلة حلو

هيطلع معاكى بالشكل الجميل دة من غير ما بتهرى خالص دة ممكن تسيبة بالسرفيس او تنقلية بسرفيس تانى وتبدئ تزوقية من الجوانب بشوية بقدونس وليمون وفلفل زاى ما تحبى.... طريقة سهلة وبسيطة والطعم تحفة بحبكم جدا جدا جدا معلش اتاخرت عليكم شوية بس خلاص ما فى تاخير تانى باذن الله💐💐💐💐💐💐💐🌺🌺🌺🌺🌺🌹🌹🌹🌹🌹🙏🙏🙏🙏🙏🧡🧡🧡🧡🧡