بسم الله اللهم صلي وسلم على نبينا محمد في اناء كبير نضع الزبدة والزيت والسكر والبيض والفاني ونخلط بالباتور جيدا

نضيف عطر الفرولة النساء والخميرة والفرينة ونلم العجين

لنتحصل على عجين طري نتركه يرتاح خمس دقائق ثم على مكان العمل نبسط العجين ونطبع بالشكل المرغوب فيه

انا درت وريدات دخلتهم للفرن مسخن من قبل مدة عشرة دقائق يأخذون اللون الدهبي

طلعت الكريمة في انا وضعت السكر والزبدة والزيت والعطر وطلعت بالباتور ثم زدت الشونتي وطلعت بالباتور حتى تحصلت على كريمة روووعة

لصقت كل وردتين بالكريمة مع بعض

ومن بعد خلطت القلاساج طلعت البيض مع قرصة ملح حتى صار كي الثلج ثم اضفت الليمون وخلطت

من بعد اضفت السكر حتى تحصلت على القوام المرغوب فيه درت عطر الفرولة والزيت وخلطت قلاسيت حبات الصابلي

تركتهم نشفو من بعد لمعتهم بالملمع الغذائي الابيض وزبنتهم بالورد

وهنا الصابلي جاهزة في ليكيسات جات توووب شكلا ومذاقا عطر الفرولة زادها أناقة

ربي يفرح بنت عمي ويرزقها الذرية الصالحة يارب