نخلط البيض مع السكر ورشة ملح وفاني بالباتور مليح حتى يولي ابيض ثم نضيف تدريجيا زيت ونواصل الخلط ننزع الباتور

نزيد النشاء و نخلط باليد ثم نزيد الخميرة و نخلط ثم نقسم الخليط الى نصفين متساويين النصف الاول نزيدلو الفرينة تدريجيا حتى نتحصل على عجينة طرية و النصف الثاني نضيفلو الكاكاو و نخلط حتى يولي الخليط اسود ثم نزيد الفرينة بشوية برك نتحصل على عجينة طرية

نشكل حربوش من العجينة البيضاء و نزيد نشكل حربوش من العجينة السوداء بنفس الطول و الحجم مع الحربوش الاول ثم نزيد نشكل حربوش ابيض و نضعه فوق الحربوش الاسود و نشكل حربوش اسود و نضعه فوق الحربوش الابيض

ثم نسقمهم مليح و نرولي شوية ثم نحكم الحافة تاع الحربوش و ندورو و نزيد ندور الحافة الثانية تاع الحربوش و ندورو بشكل معاكس

ثم نرولي الحربوش كامل ندهن الصينية بشوية زيت و نضع الحربوش و نعدلو شوية ندخلو للفرن على 180د يحمر مليح و نخرجو و نخليه يبرد تماما ثم نطليه بتوفيا كراميل و نذري عليه قطايف محمصين و جلجلان (سمسم) محمصين