نخلط جميع المكونات مع بعض ونلم لعجينة بماء دافئ ، نديرها شوية طرية ماجيش ناشفة نخليها تخمر حوالي 45دقيقة..بعد ما يتضاعف حجمها نهبطلها تخمار ونبدا نعجن فيها نغمس يديا فالما ونعجن حتى تنشف ونعاود نغمس يدي فالماء ونعجن حتى نتحصل على عجينة طرية ورطبة نقرصها ونغمسها فالدقيق باه تساعدني وماتلصقليش ونطرحها فوق طرشونة وتكون مطروحة خشينة شوية ونخليها تخمر حوالي نصف ساعة

في هاد الوقت نشعل الطاجين يسخن لازم يكون سخون مليح. وبعد ما نشوف الكسرة تاعنا طلعت نبدا نطيب نحط الكسرة في الطاجين وغير نشوف لفقاعات بداو يبانو نقلبها ونبقى ندور فيها حتى طيب وبالصحة والعافية