كيش سلق

تحضير العجينة

كاس اتاي حليب دافئ كاس ماء دافئ مغرف خميرة كاس الا ربع زيت بيضة نخلط مليح ونزدي مغرف صغيرة سكر مغرف خميرة حلوة صغيرة نلخط كلشي مع بعض ونبدى نضيف الفرينة حتى نتحصل على عجينة تتلصق شوية ونبقى ندلك فيها حتى تشد روحها مليح ونغطيها ونخليها ترتاح لمدة ربع ساعة كي ترتاح كي ترتاح نجيبها نسبطها مليح على شكل دائرة ونحطها فمول تاعي ونتقبها بلفرشيط وتخليها ترتاح في هدا الوقت نروح نحضر الحشو تاعي

ومن جيهة ندير صوص بيضة بصدر دجاج مقطع مربعات وبصلة وتوابل وملح كي يطيب (يستوي) لصوص تاعي يكون خاتر نرمي فيه سلق تاعي ومعاه اربع قطع فرماج (جبنة) مثلثات ونخلي الخليط تاعي يشري مليح للصوص وفرماج ونطفي

وفي هادي الأثناء نخدم صوص بشاميل مغرف زبدة زوج مغارف فرينة وكأس حليب نحطهم على نار قليلة ونخلط مع شوية ملح وتوابل كي تجانس الخليط تاعي طبعاً نخليه شوية مائه ونطفي عليه ومن جبهة تاني نقلي بطاطا مربعات

نجيب المول تاعي نفرغ فيه خليط سلق ولجاج تاعي ونضيفلو فرمرماج ونفرغ صوص بشاميل لي درتها ونبرش على. خليط فرماج (جبنة) رابي وندخلو يطيب (يستوي) كي يطيب (يستوي) ويحمار نخرجو وشهية طيبة