نحضر وعاء نضع البيض مع السكر و فانيليا و نخلط ثم نضيف الزيت و نخلط الكل بعدها نضيف النشاء و نخلط أيضا حتى يتجانس الخليط بعد ذلك نضيف كوبين فرينة مع الخمارة الكيميائية نحرك جيداً ثم نقسم الخليط إلى قسمين الأول نبقى نضيف في الفرينة حتى نتحصل على عجينة ماهي طرية بزاف ماهي ناشفة و الثاني نضيف عليه الكاكاو و نبقى أيضًا نضيف في الفرينة حتى نتحصل على عجينة طرية كما هو موضح في الصورة

نحضر كيس بلاستيكي نضعه فوق سطح العمل و نحط عليه القليل من الزيت (باش كي نفتح العجينة ما تلصقش فالكيس)نحضر القليل من العجين الأبيض و نحلو باليد على شكل دائرة صغيرة و نحضر القليل أيضًا من العجينة السوداء و نحلو كيما اي مثل الأولى و نضعهم فوق بعض و نبدأ نحل بالحلال حتى يولي سمك العجينة 3 أو 4ملم و نروليهم (إذا لاحظتى سمك الحربوش خشين تقدري تحبسي في النصف و تقطعي و تفصلي الجزء المحلول على الحربوش)بعدها نبدأ نقطع فيه كيما اي مثل المقروط

نحاول كيفاش نظم شكل الحبة و نحطهم في السنيوة و ندخلهم الكوشة على درجة متوسطة من الفوق و من الأسفل (180درجة)حتى يتحمروا و نخرجهم

بعدما يبرد نسخن القليل من العسل حتى يولي سائل(مالزمش يكون ثقيل)و نحط حبة نغطسها فالعسل من الفوق و الجوانب و نرمدها مباشرة فجوز الهند المحمص باش يلصق فيها و نحطو على جنب و نكمل نصف الكمية بهذا الطريقة

النصف الأخر نذوب شوكولاته مع القليل من الحليب و ملعقة صغيرة زبدة في حمام مائء على نار هادئة لما تذوب نحط حبة فوق الفرشيطة و نفرغ عليها الشوكولاتة بالملقة حتى تتغلف من الفوق و نحطها جانبا و نكمل الباقى هكدا

للتزيين ذوبت شوكولاته و حطيتها في كيس الحلواني و عملت الأشكال الموضحة في الصورة أما المطلي بالشوكولاتة رشي عليه بريق غذائي فالbronze و حطيت حبة لوز