نحضر العجينة نخلط جميع المكونات ونضم العجينة بالماء حتى نتحصل على عجينة متماسكة ندلكها شويا ونقسم على 9 كورية ونغطيهم مليح باه مايديروش القشرة من الفوق نخلوهم يرتاحو قد ماطولو احسن اقصى مدة ساعة

نحضر الحشو نخلط الكل بارد في بارد ونحطه على النار نخلط حتى تخثار نحيها ونغطيها بالبلاستيك باه ماتدير القشرة ومن بعد نحطها تبرد

بعد ماترتاح نحط كل 3كوريات مع بعض ونبدا نحل بالوحدة ونستعين بالزيت نفتح الاولى بحال لمسمن ونجيب خليط الزبدة والنشأ والزيت والخميرة وندهنه ليها ونطبقاها بحال لمسمن ونحطها على جنب ونفتح الثانية وندهنها من نفس الخليط ونجيب الحبة الاولى الي فتحناها ونحطها في الوسط ونطبقها عليها ونحطها على جنب ونفتح الثالثة وندهنها ونحط في وسطها الحبة الي خدمنها ونطبقها ونخليها ترتاح ونخدم كل 3كوريات مع بعض كما خدمنا الاولى ونتحصلو على 3 مسمنات

من بعد نفتح الاولى الي خدمنها غير بيدينا ونحاول نحلها قدر المستطاع وبشكل مستطيل على ورق الطبخ ومن بعد نطقبها بالشوكة مليح ونحط عليها ورق الطهى ونزيدها صنيوة من الفوق باه ماتنفخ وندخلها للفن مسخن من قبل ونشعل لها من التحت فقط ونحطها لفوق وكي تطيب من التحت نقلبها ونخليها تطيب وكي تحمار نحي على جنب وندير نفس الشيء مع لوخرين

كي يطيبو الطبقات 3 نخليهم يبردو نجيب لكريمة ونخلطها مليح ونحط الاولى ومن بعد نطليها بجزء من لكريمة ونحط الثانية ونحط الباقي من لكريمة من بعد نخدم كلاصاج بسكر قلاصي وشوي حليب ونصبه عليها نخلي مغرف منه ندير له كاكاو مر ونخطط بيه وتزين إختياري

الفيديو هو طريقتي لصنع لمسن حطيته برك باه نفهمكم كيفاه تحلو الحبة وكيفاه طبقوها وان شاء لله تكونو فهمتو