الخطوات
- 1
نغسل صدور الفراخ ونقطعها قطع صغيره ونبشر البصله
- 2
نحط في الطاسه زيت وننزل البصله مبشوره نقلبها لحد ماتكون متوسطه بس منخلهاش تحمر للاخر وننزل عليها الفراخ ونحط الملح والفلفل الاسود والشطه ونقلبها لحد ماتشرب المايه بتاعتها
- 3
بعدين نحط شويه مايه ونقلبها تاني لحد ما تستوي وتحمر نحط عليها الفلفل مكعبات ونقلبها لحد ما تبقي خلاص جاهزه انها تتاكل وشربت المايه كلها
- 4
تحضير التوميه هنجيب 2 حبات بطاطس صغيره نقشرها ونقطعها مكعبات ونسلقها لحد ما تشرب المايه
- 5
ونسيبها تبرد وبعدين نحطها في الخلاط نضربها الاول لحد ما تبقي زي الكريمه وبعدين نحط عليها فصين توم مهروسين وكوبايه زبادي ونص معلقه فلفل اسود ومعلقه وربع كمون ونضربهم تاني لحد ما كل مكونات تتمزج في بعض وبعدين نحطها في طبق
- 6
طبعا هنجيب العيش السوري ونخليه نص دايره ونحط عليه معلقتين توميه بعدين نحط جبنه رومي مبشوره او اي نوع جبنه بنحبها او جبن مع بعض
- 7
ونحط فلفل اخضر وخس وزيتون اسود واخضر ونحط كاتشب ومايونيز
- 8
وبعدين نحط الفراخ اللي عملانها ونحط عليهم كاتشب ومايونيز تاني ومعلقه توميه
- 9
نكرر نفس الخطوات بس نحط البطاطس بدل الفراخ وطبعا لو حابينها سبايسي بنحط شطه وممكن تعملوا السوري ميكس بين الفراخ والبطاطس
- 10
وندخلها الاطراف لجوا ونلفها زي ما انتوا شايفين ونحط حبه زيت صغيرين في طاسه ونوطي ع النار ونحطهم عليها ونقلبها لحد ما نحس انها استوت وسخنت من جوا عشان اوقات بتكون سخنت من برا وتكون بارده من جوا فا نسيبها براحتها
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
صدور فراخ وبطاطس في الفرن صدور فراخ وبطاطس في الفرن
صدور فراخ وبطاطس وتقدم مع ارز بدون اي زيت
-
-
وصفات ننصحك بمشاهدتها
التعليقات