غراتان شوفلور 😋😋😋
حبيت نبدل شوية من القلايات جات بنيييينة هباال❤❤❤
الخطوات
- 1
نقي حبة الشفلور (القرنبيط) نقطعها و نحطها تغلي في الماء مع 2 مغارف خل و شوية عصير الليمون(باه نتخلص شوية من ريحتو)
- 2
من جهة خلاف نجيب الدجاج نقطعو مربعات و نقطع البصل مربعات متوسطين و نقطع معاهم الثوم
- 3
نجيب مقلاة نحط فيها الزيت و نحط البصل والثوم يتقلا كي يدبال شوي نزيد الدجاج و نتبّل بالكمون، الفلفل الأسود، راس الحانوت،معدنوس (بقدونس) مقطع والملح حتى يتقلاو مليح
- 4
نروح نوجد صلصة البيشاميل نذوب زوج مغارف زبدة و نضيفلهم زوج مغارف فرينة نبقى نحرك باه متتحرقش و نبدأ نضيف الحليب تدريجيا دون التوقف عن التحريك حتى تخترلي الصلصة نطفي و نضيفلها 4 حبات فرماج (جبنة)، شوية ملح و شوية فلفل أسود و نخلط باه يذوب الفرماج
- 5
كي يطيب (يستوي) الشفلور (القرنبيط) نصفيه مليح و نمعسو بفرشيطة، نضيفلو 4 حبات بيض، 4 حبات فرماج (جبنة) مقطع مكعبات، شوية ملح و شوية توابل
- 6
نجيب مول نحط طبقة 1 شويية بيشاميل و نزيد الطبقة 2 خليط الشفلور (القرنبيط) و بعدها الطبقة 3 الدجاج مع البصل و نغطيها من فوق بالبشاميل
- 7
فالأخير ندير فرماج (جبنة) رابي على كامل الوجه و ندخلها للفرن قيس ما يطيب (يستوي) البيض اللي حطيت و تحمرلي من فوق
- 8
و شهية طيبة 😋😇
وصفات مشابهة
-
-
-
-
-
-
غراتان شوفلور 👌🏻 غراتان شوفلور 👌🏻
#وصفتي_اللذيذةاللهم صلّ وسلّم وبــارك علـــى سيّدنــا محمـد، حبيــت نشـارك معاكم اليوم غراتان الشوفلــور بصلصــة البيشاميــل جربــتها بل أصبحت وصفتي المعتمدة على طريقة الغاليــة الشـــاف 👩🏻🍳 @maryacooking المتألقــة بوصفاتهــا الشهية والناجحة، نقولك حبيبتي في ميـزان حسناتك إن شاء الله، بزاف بنيــنة👌🏻😋👌🏻 بشهادة من أكلها 🤩، أمسية دافئــــة أحبتي 💐
-
غراتان شوفلور غراتان شوفلور
الوصفة مأخودة من عند اختي امونة جات هايلة وصفة ناجحة نقلها يعطيك الصحة 👍👍👍👍👍مع لمستي طبعاً 😘😘😘
-
-
-
-
غراتان شوفلور وبطاطا 😋😋 غراتان شوفلور وبطاطا 😋😋
بنينة تهبل ولا اروع 😋😋😊😊😊#هرمون_السعادة
-
وصفات ننصحك بمشاهدتها
التعليقات (2)