في مقلاة نحط الزيت والبصل مقطع مربعات ونخليه يذوب مع التحريك ثم نضيف اللحم المفروم ونخلط جيدا ثم نضيف الملح والتوابل والهريسة والموطارد ونخلط ثم نحط طماطم مرحية ونخلي الكل يطيب

في مول مدهون بالزبدة نحط البطاطا على الجوانب وفي القاع ثم نحط الحشو وقطع الجبن الطري

ثم نحط الجبن المبشور ونغلق بالبطاطا من الجوانب ونغطي الوجه بالبطاطا

في صحن نحط الحليب والبيض والملح والفلفل الأسود ونخلط جيدا ونفرغ الخليط على البطاطا ونحط شيدار

ندخل المول الى الفرن ونخليها تطيب ونحمرها من فوق

وتقدم بالصحة والهنا