في قدر نضع الماء والملح حتى يغلي ثم نضع الارز نطهيه نص طياب برك على خاطر راح نحطو في الفرن باه يتشربلي هداك المرق منبعد ما نغليه نغسلو و نخليه ينشف مليح ثم نجيب زبدة تكون سائلة و ندهنو

في هده الاثناء نضع في قدر اجنحة الدجاج و نصف صدر الدجاج مقطع مربعات وبصل يكون مرابي وثوم والجزر مربعات وتوابل و ثلاث ملاعق زيت نخليهم يتقلاو مليح حتى يذوب البصل ونجيب ملعقة كبيرة من الطماطم المصبرة نضيفها و نخليها تتقلا مليح ثم نمرق بالماء يكون سخون ونخليهم حتى يتطهاو وهداك المرق يختار في هده الاثناء نقوم بقلي البطاطا بشكل مربعات

بعد ما يكون كلش جاهز نجيب البلا تاعي ندهنو بالزبدة ثم نضع الطبقة الاولى من الارز و نجيب هداك صدر دجاج لي كنت درتو مربعات هو والجزر والبطاطا ونديرهم كطبقة ثانية و نزيد الارز كطبقة ثالثة و نجيب هداك المرق نسقي بيه الارز تاعي و ندير اجنحة الدجاج على الوجه و ندخلها للفرن بعد ما يتشرب هداك المرق نجيب حبتين بيض نخفقهم و نديرهم على الوجه و نعاود نرجعها للفرن حتى ينشف هداك البيض نشاله تكونو فهمتوني شهية طيبة