شفلور في الفرن
شفلور (قرنبيط) في الفرن على طريقتي
الخطوات
- 1
نفصص هداك راس تاع شفلور (قرنبيط) و نديرو فالكسكاس نحطلو الملح و نفورو حتى ينضج
- 2
نخليه يفور و نروح نوجد المرق ندير البصل والثوم و دجاج وزيت و توابل في القدر على نار متوسطة نخليهم يتقلاو مليح و نضيفلهم الطماطم المصبرة و نخليها تتقلا منبعد نمرق بالماء الساخن و نخليهم يتطهاو على نار قليلة
- 3
في هده الاثناء نجيب البطاطا لي كنت قطعتها دوائر و نقليها كي نكمل يكون شفلور (قرنبيط) تطهى نجيب زوج حبات بيض نخفقهم مليح مع الملح والثوم و توابل ودبشة نغطس هدوك الرؤوس تاع شفلور (قرنبيط) و نقليهم
- 4
منبعد ما نكون جهزت كلشي نجيب صينية ندهنها بازبدة نحط هديك البطاطا كطبقة اولى و ندير فوقها شفلور (قرنبيط) و دجاج لي كنت قطعتو لى قطع صغيرة و نسقيهم بهداك المرق و ندخلهم للفرن كي يتشربلي هداك المرق نجيب زوج حبات بيض نخفقهم مليح مع الملح و نفرغهم فوق شفلور (قرنبيط) و ندخلو للفرن يتماسك و نقدمو نشاله تكونو فهمتوني شهية طيبة
وصفات مشابهة
وصفات ننصحك بمشاهدتها
التعليقات