في إناء نضع البيض والسكر و قرصة ملح و نخلطوهم مليح بفوي و لا خلاط كهربائي حتى يذوب السكر و نزيدو الزيت والحليب و نخلطو مليح

كيتجانسو السوائل نحطو الكاكاو لي يكون مغربل و نخلطوه مليح

نبداو نزيدو فالفرينة غير بلعقل نحطو نصف كاس مع خميرة الحلوى و نخلطو و نزيدو الفرينة حتى نتحصلو على خليط ماشي ثقيل بزاف و ماشي خفيف

نحطو الخليط في صينية (25\20) والخليط يكفي في سينية مدورة القطر تاعها 30 سم مدهونة بالزيت أو الزبدة و مرشوشة بالفرينة و نحطوها تطيب على درجة حرارة ١80

من جهة أخرى كييطيب الموسكوتشو و يبرد مليح نحضرو الكريمة

نحط في كسرونة كاس غير ربع حليب و مغرف كبيرة ونص نشاء و ملعقة صغيرة نسكافي و نحطوهم على النار هادية حتى تعقد و كي تعقد نحيوها من فوق النار و نحطولها الشكولا و مغرف كبيرة مرغرين ونخلطو جيدا حتى يذوبو

نفرغ الخليط مباشرة فوق الموسكوتشو بلا ما نحيوه من المول و إلا استعملتو لي يتفتح نحيوه

و التزيين إختياري