✨نضع في إناء كاس ماء دافئ+ ملعقتين كبيرتين سكر+ملعقة خميرة الخبز+ ملعقة +ملعقة كبيرة حليب مجفف+ 1/2 ملعقة صغيرة ملح وبعدها نخلط المكونات جيدا بالفوي ونضيف كاس فرينة ونخلط ونغطيه بكيس بلاستيكي ونتركه بجهة.

✨نأخذ إناء ثاني ونحط 3 كؤوس فرينة+كيس خميرة كيميائية+ملعقة صغيرة فانيليا+50غ زبدة ذايبة قليلا+حبة بيض تكون صغيرة الحجم+ملعقة الخل ثم نمزج المكونات باستعمال أصابع اليد.

✨نقسم العجينة إلى 8 قطع متساوية وكل قطعة نشكلها كرية ونغطيهم بورق شفاف ونخليهم يرتاحو 5 دقائق.

✨نرش طاولة للعمل بكمية من النشاء ثم نبسط كل كرية مع رش سطحها بكمية من النشاء ثم نحلها بالحلال على شكل قرص.

✨بواسطة فرشاة ندهن سطح قرص العجينة بزبدة التوريق الذائبة وتوزيعها على كامل المساحة ونحطها من جهة.

✨نفس الخطوات نتبعها للكرية الثانية وبعدها نحطها فوق سطح القرص الاول.

✨بنفس الطريقة نكمل كامل الكريات لعندي لكن الكرية الأخيرة مندهنش السطح ديالها بزبدة التوريق.

✨كي نكمل كامل الكريات نتحصل على الاقراص هادا فوق هادا نرش طاولة العمل بالنشاء ونفتح بالحلال على سمك 4 أو 5 ملم ونتحصل على قرص كبير.

✨باستعمال السكين نقطع القرص إلى 4.

✨ثم نقطع إلى 8.

✨باستعمال السكين نقطع منتصف قاعدة كل مثلث.

✨نحط قليل من شوكولاطة الطلي ونفتح قليل الجوانب.

✨ونبدا نلف عدة لفات بداية من قاعدة المثلث حتى لنهاية رأس المثلث.ل نتحصل في الاخير على شكل حبة الكرواصون

✨بنفس الطريقة نكمل نشكل كامل حبات الكرواصون نحطهم في سينية بها ورق الطهي.

✨ندهنهم بصفار بيضة +نيسكافي+قطرات من الزيت ونخليهم يخمرو.

✨كي يخمرو وندخلهم للفرن على درجة حرارة 180د (إدا كان الفرن بالمروحة راح يحمارو من الفوق في نفس الوقت وإدا كان فرن عادي كي يطيبو من تحت تشعلو عليهم من الفوق)

✨بالصحة والهنا🌹💖

✨بزاااف خفاف ويقرمشو🥐