نغسل حبات البطاطا ونقشرها وبواسطه سكين نعمل خطوط بلا مانوصل للاسفل (بلا ما نفتحوها) على اثنين ثم الى اربعه ثم الى ثمانيه ونحطهم يغليو فالماء لمده قليله فقط (خطوه مهمه باه كي نحشيهم مايتكسروش) نخليهم يبردو ونحشي الفراغات باللحم المفروم غير ناضج ولكن تبلتو بالملح وفلفل اسود وراس الحانوت (التوابل اختياريه) وشوي بصل مفروم ناعم وثوم ومعدنوس

طريقه التقطيع👇

نوجد صلصه طماطم انا درت زوج سنات ثوم مرحي في شوي زيت ثم قليتو شوي وضفتلو حبات طماطم مرحيه وورقه رند وملعقه صغيره طماطم مصبره وملعقه صغيره هريسه وماخليتهاش تتشف

في صينيه فرن وضعت الصلصه ثم حبات البطاطا ثم زدت ضفت فوقها الصلصه وذرذرت الجبن المبشور وتوضع في فرن مسخن مسبقا

وتقدم بالف صحه وعافيه