اولا نرحي صدر الدجاج مع باقي المواد جيدا ومن جهة نأخذ اكسسوار مول الوافل ندخلوه يسخن شوي داخل الفرن ثم ندهنوه بالزيت ونحطو عليه كمية من كفتة الدجاج ونسويو السطح باليد لازم تكون شوي مبلولة لتسهيل العملية ونحطوهم على بلاطو اخر

وندخلوهم للفرن 200درجةحتى يطيبو ماياخذوش وقت فالطياب بسرعة يطيبو وبعدما يطيبو نتركهم لثواني ثم ننزعهم من المول

ومن جهة نحطو ملعقة كبيرة زبدة وشوي زيت ونحطو البصل المقطع والفطر والتوابل ونتركهم حتى يتقلاو جيدا ونضيف الفرينة ونحرك قليلا ثم نضيف الماء الساخن حوالي كوبين والكريمة ونتركه يغلي حتى يخثر ونقدموه مع الوافل ونرشو عليه دبشة وعصير ليمون