بلح الشام
#بلح_الشام ساده وبالكريمه بطريقه سهله جدا وبدون تعقيد هاستني صور تطبيقاتكوا ❤️👇
الخطوات
- 1
نبدأ بالسيرب نحط الميه على السكر ونسيبهم ع النار وسط لمده ١٠ دقايق
- 2
بعد ال١٠ دقايق هاننزل بعصره ليمونه ونسيبها دقيقتين تغلى غلوه ونطفي عليه
- 3
ف حله ع النار هانحط الميه والزيت ونسيبهم لحد مايغلوا
- 4
ننخل الدقيق والبيكنج بودر ورشه الملح
- 5
بمجرد ما الميه والزيت يغلوا هانوطي النار اوي وننزل بدقيق ونقلب
- 6
نستمر ف التقليب لحد ماالعجينه تبقي ناعمه من غير كتل دقيق ومن غير مانطفي النار لمده لا تقل عن ٣ دقايق
- 7
بمجرد مايكون قشره خفيفه ف أسفل الحله هانطفي ونسيب العجينه تهدي
- 8
لما العجينه تهدي بنحطها ف العجان او بالمضرب الكهربي او بمضرب سلك نبدأ نضرب
- 9
وننزل بكل بيضه لحد ماتختفي ف العجينه
- 10
ننزل بالفانليا ونضرب لحد مانخلص ال٤ بيضات
- 11
هاتلاقي العجينه طريه وبتلزق وبكده تكوني ماشيه صح
- 12
نختار قمع بلح الشام وبنحط العجينه ف كيس الحلوانى
- 13
ف طاسه هانحط زيت بارد ونبدأ نشكل بلح الشام ونسيب مسافات عشان لسه بتكبر ف الزيت
- 14
نسوي بلح الشام ع نار هاديه عشان يستوي وكيس وبمجرد مايبدأ يلون نعلي النار شويه
- 15
بعد ماياخد اللون الدهبي نطلعه على السيرب
- 16
نستنى لما الزيت يبرد ونكمل باقي الكميه بنفس الطريقه
- 17
ف بوله هانحط السكر والكريم شانتيه وملعقتين مايه ونضرب بالمضرب الكهربي او ف العجان او بالمضرب السلك
- 18
نزود ميه لحد ماتبدأ تأخد قوام الكريمه بحيث لو قلبنا البوله الكريمه ماتقعش
- 19
نحشي بلح الشام بالكريمه
- 20
بس كده وبالهنا والشفا 😍
وصفات مشابهة
وصفات ننصحك بمشاهدتها
التعليقات