كروكي ♥️

نحط البيض و السكر و قرصة الملح و لافاني و نخلطو مليح حتى يذوب السكر بعد ما يذوب السكر نزيدو الزيت و نخلطو مليح حتى نتحصلو على خليط متجانس نبداو نلمو بالفرينة مع خميرة الحلوى حتى نتحصلو على عجينة طرية

نشكلو العجينة حربوش و نحطوه في صينية مدهونة بالزيت ببياض البيض لي بقى نحطو فيه شوية قهوة و نخفقو مليح و ندهنو بيه سطح الحربوش نعملو خطوط بالفرشيطة و نرشو شوية سكر ندخلوه يطيب كي يحمرو الأطراف نشعلو من فوق و هنا اللون حسب الرغبة

كي يطيب و هو سخون نقطعوه و نخليوه يبرد و نقدموه