الخطوات
- 1
بسم الله نحضرو العجين ندخل الزيت مليح فالعجين ونبدا نجمع بالماء الدافي حتى نتحصلو على عجينة طرية نعجنوها مدة 5 دقائق لانو سميد يحب لعجين ونخليو جانبا يختمر ونحضرو الحشو
- 2
على بركة الله في مقلاة نحطو الزيت حتى يسخن نحط البصل حتى يتقلى نزيد الفلفل الحلو ونزيد الجزر ونخليهم حتى يطيبو مليح على نار ناقصة منبعد نزيد الطماطم حتى يطيب كلش نزيد الملح والتوابل نقليهم غير شوي ونطفي نزيد الزيتون والمرتديلا الدبشة والمعدنوس ونخليها تبرد تماما تحبو تزيدو صدر الدجاج او اللحم المفروم او التونة انتم احرار
- 3
منبعد نرجعو للعجين بعدما ختمر نشكلو 10 كرات كبار او 12متوسطين نفتح الكرة بشكل طولي ندهن بالجبن ونحط الحشو من جهة وحدة فقط ونغلق على الحشو المرة الاولى ونزيد ندور المرة الثانية ونقفل مليح كيما فالصورة ونجيب الجهة الى قفلت منها نديرها من تحت وندخل العجين في بعضاه لتشكيل اسوار ونضغط مليح باش ما يتفتحش ونحطو في صينية الفرن مفرشة ورق الزبدة حتى نكملو الكمية
- 4
منبعد نشعل الفرن على اعلى درجة وندهن الاساور نتاعي بالحليب ونرش عليهم السمسم والجلجلان من الوجه وندخلها للفرن حتى يحمارو من الاسفل منبعد نشعل من الفوق حتى يكتسبو اللون الذهبي ونخرجهم
- 5
انا قدمتهم مع شربة فارميسال سبق وحطيت الوصفة وبالصحة والعافية
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (2)