اول حاجه هننقع الفاصوليا يوم ، واذا مستعجله خليها عقبال ماتغلى ماية السلق بتاعتها ^^

بعد ماتنقعيها هتكونى بتغلى ماية فى حلة وتنزليها فيها وتوطى النار عليها

نسيب الفاصوليا تستوى ونروح نسبك الصلصة

هنحط البصلة ف المادة الدهنيه بعد مانقطعها صغنن ونقلب لحد ماتصفر

ننزل بعصير الطماطم ونستنى لما تغلى ونوطى النار

بعد ماالطماطم تتسبك "يعنى الماية الى فيها تنشف بس عايزينها تكون فيها شوية ماية مش ناشفة خالص" نحط الفاصوليا "بعد ماتكون استوت واتصفت من مايتها"

قلبى الفاصوليا مع الطماطم حبه وانزلى بالتوم المهروس شوية وانزلى بالكسبرة والفلفل وقلبى

بعدها انزلى بالشوربة او ماية ومرقة براحتك ^^

قلبى وسبيها شوية وانتى موطية النار ومتنسيش الملح **