في إناء نضع البيض و السكر نخفق حتى يبياض الخليط و يزيد فالحجم وويلي ثقيل ثم نضيف الفرينة مع الخلط ملفوق للتحت في نفس الاتجاه حتى تمتزج الفرينة مع الخليط ثم نسكب الخليط في مول دائري او اي شكل عندك نشعللها ملتحت على درجة حرارة 140و نخليها طيب بلعقل كي تتنفخ و تطلع نشعللها ملفوق بضع ثواني و نطفيلها

في إناء نضع الزبدة و السكر المسحوق و نخفق بالباتور مدة10دقائق ثم نضيف الشانتيه و نخفق مدة 4دقائق ثم نقسم الخليط على 2 و ننكه الخليط الاول بالفراز و الثاني بالموز

كي طيب الجينواز و تبرد مليح من الاحسن تخلوها ليلة كامل في الثلاجة او 6ساعات على الاقل و نقسمها على4 نشرب الطبقة الاولى بعصير البرتقال و نضيف فوقها كريمة الزبدة بذزق الفراز و نديرلها القليل من فريز مقطع رقيق ثم نضيف فوقها طبقة اخرى من الجينواز و نشربها كذلك و نديرلها كريمة الزبدة بذوق الموز و ندير شوية موز مقطع رقيق ثم نكمل بهذا الطرقة حتى نكمل كل الطبقات

بعد ذلك ندير في إناء 200غ شانتيه مع كاس و نصف من الحليب البارد نطلعهم مليح بالباتور و نبدأ نطلي الكيكة تاعي حتى نغلفها كامل بالشونتيي و نسيي نعدلها مليح و ندير لكاوكاو في يدي و نلسقو فالجوانب و من فوق زينتها بحبات من الفراز و الكيوي و التفاح و مسحتهم بالجيلي