نحط الشوفلور يغلي في الماء و الملح جانبا ومن جهة اخرى نقطع البصل الاخضر الى قطع صغيرة نقليه وكي يذبل نزيد اللحم المفروم و نتبلو بملح و فلفل اسود و الكموون

نخدم الصلصة نذوب الزبدة و نحمر فيها الفرينة و نضيف لحليب كشغل بيشامال و نخليها شوي خفيفة نضيف عليها لجبن و لايورت طبيعي و نخلط حتى يذوب الجبن نضيف البيض و نتبل ملح فلفل اسود و الكمون و نضيف زعيترو و نخلط نهرس الشوفرور بالفرشيطة و نخلطلو الحم المفروم لي طيبناه و نضيف عليهم الصلصة البيضاء نخلطهم مليح

نديرهم في بلاطو تاع الكوشة و نغلف بالالمنيوم كي يطيب البيض نحي الالمنيوم و نضيف فرماج مبشور على السطح و نلوحو يتغراتينا حتى يحمار

و نقدمو و بالصحة و الهناء لي ولادهم ميحبوش شوفلور متقولولهمش برك راح يوكلوه بلا ميفيقو و يجيهم مليح