نغسل البطاطس مزيان ثم نديروها في الطنجرة الظغط باش تصلق ومن بعد ملي كتطيب نخليوها تبرد ونقشروها ونمعكوها مزيان ونزيدو عليها ملعقة صغيرة من الملح وملعقة صغيرة من لكمون و ملعقة كبيرةزيت البلدية

ناخدو فلفل احمر وحبتين من البصل ونشلضوهم في كصرون وضيفو عليهم اللحم المفروم و فصين من التوم والقزبر نخليهوم حتى يدخول ليهوم طياب عاد نزيدوهم التوابل الملح إبزار زنجبيل كركم ببريكة وكمون

ومن بعد كناخد شوية لصوص مطيشة وكنديرة في لمول ديال لكغاتان ديالنا وكنبدا نستف لكورات ديالنا وكنخلي شوية لصوص نديرو من جناب

نسيت ما صورتش صوص بيشاميل فيها ملعقة كبيرة زبدة كنذوبوها ونزيو ملعقة من الدقيق ونخلطو مزيان عاد نزيدو جوج كيسان من الحليب وهادشي كلو فوق النار مهيلة حتى يعقاض لدينا الخليط ملي يطيب نوضعوه فوق كرات البطاطس من بعد حكو فرماج احمر او مودزريلا انا معنديش درت فرماج سندويش ومن بعد دخلوها لفران ماكتاخدش لوقت بزاف حتى تحمر مزيان وخرجوها ولصحة وراحة