نحضرو الشاربات أولا باش نخليوها تبرد، في طاوة نديرو الماء و السكر و شريحة الليمون و نحطوهم على نار متوسطة كي يبدا يغلي نحسبو 10 دقائق و نطفيو عليها و نخليوها تبرد.

نخلطو البيض مع السكر و الفانيللا و عصير الليمون و مبشور الليمون مليح ثم نزيدولهم الزيت بالشوي و نكملو نخلطو ثم نضيفو الحليب ثم الفرينة و الدقيق و الخميرة و نعمرو بيهم علب الألمنيوم الصغيرة للنصف و نديروهم في بلاطو نحطوهم يطيبو في فرن مسخن من قبل على نار متوسطة يطيبو من تحت حتى يحمارو الحواشي و امبعد نشعلولهم باش يحمارو من فوق كي نخرجوهم و هوما سخونين نشربوهم مباشرة بالشاربات الباردة.