في اناء ناخد الفرينة نضيفلها سكر قلاص و 125 غ من زبدة تكون بحرارة المطبخ ندخل الزبدة جيدا في الفرينة والسكر؛ نضيف الملح و الخميرة الكيميائية ونخلط قليلا ثم نقوم بحفر صغير في الوسط نضيف حبة البيض والفانيليا ثم نقوم بلم الخليط دون عجن فنتحصل على عجينة طرية نتركها ترتاح ساعة كاملة

نقوم بدهن الصينية بالزبدة و نرشها بالفرينة ثم ناخذ العجينة بعد ما ارتاحت ساعة نحلوها و نديروها في المول نضغط عليها في الاطراف حتى تاخد الشكل نثقبها بالفرشيطة و نحط عليها ورق الزبدة من فوق و نحط فوقو حبوب يابسة كيما ارز او عدش حتى لا تنتفخ العجينة فقط و ندخلها الفريجيدار 10 دقائق تبرد و نطيبوها علا نار متوسطة

الكريمة : ناخد الليمون نسكرفجو و ندي بشورو نخليه على جنب. نعصر الليمون اللي عندي نحطو في كسرونة هوا والزاست اي البشور ونحطو يغلي فوق النار

ناخذ اناء اخر نحط فيه الببض و ستة مغارف سكر و نزيدلو شوية فانيليا و نخلط بالضراب اليدوي

نجيب العصير اللي غلا ونصفيه و نضيفو للبيض و السكر نخلط الكل جيدا ونردو للنار نبقا نخلط حتى يثقال الخليط نحيه من فوق النار ونضيفلو 100 غ زبدة ما يعادل ملعقة كبيرة و نخلط حتى تذوب الزبدة و نحط الكريمة فوق الطارت

الميرانق : وهي اخر مرحلة ناخذ بياض بيضتين نضفلو قرصة ملح ونطلعو مليح بالضراب الكهربائي حتى تولي رغوة ونبدا نضيف في السكر شيئاً فشيئاً وراني نخلط حتى نشوف الميرانق شدت روحها يعني كي نقلبها ما تتدفقش ونقدر نشكلها