الخطوات
- 1
نغسل شوفلور تاعي مليح ونحطو يغلى فقدرة نكون حطيت فيها شرائح نتاع قارص وبعد ما يطيب نصفيه ونخليه يبرد
- 2
من جهة اخرى ندير شويا زبدة فالمقلة ونحط اللحم المفروم ونزيد عليه رشة ملح وفلفل اسود ونحرك حتي تتقلي مليح ونطفي عليها ونخليها بجهة
- 3
نأخد الشوفلور تاعي ونرحيه بالفرشيطة ونزيد عليه ملح وفلفل اسود وكمون وشوية راس الحانوت ونخلط مليح ثم نضيف الزيتون والمعندوس المقطع الرقيق وفصوص نتاع ثوم واللحم المفروم لي كنت طيبتو م قبل ونخلط مليح
- 4
من جهة اخرى نجيب حبات البيض نخلطهم ونحط فيهم زوج الى ثلاتة ملاعق فرينة (تقدري تزيدي حسب الحاجة) ونصب الخليط ع شوفلور ونخلط مليح حتي يتجانس الخليط ونحصلو ع خليط ثقيل شويا ما يكونش ناشف ياسر باش مايجوش الخبيزات ثقال ونخلي الخليط يرتاح شوي قبل ما نقليه
- 5
فالاخير نسخن زيت مليح ونبدا نهز بالمغرفة من الخليط ونشكلو خبيزات ونرميهم يتقلاو ومنحركوهمش ياسر باش ما يفسدش الشكل تاعنا ويتفتت الشوفلور تاعنا نخليهم حتي يطيبو من الجهة التحتانية ونقلبوها للجهة الاخرى والنار تكون هادئة باش يطيبو من داخل ومن برا.... وصحة وعافية
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات