ديري المكونات السائلة مع بعضها وتزيدي الخميرة والسكر والملح تخلطيهم مليح وتبداي تزيدي الفرينة بالتدريج ومعاها باكي خميرة نوارة واعجني حتى تولي طرية وغطيها وخليها تختمر من بعد قرصيها دوائر متوسطين وتحبي ديريلها الحشو تحبي لالا

انا درتلها الحشو: دجاج طايب وزيتون مقطع و جبن مثلثات وعاودي خليها تختمر بعد ما درتيلها الحشو وهادا هو السر

ديريها فسنيوة فيها شوية فارينة ودهنيها مل فوق بصفار بيضة تدي اللون الذهبي والتزيين اختياري انا درت سانوج

ملاحظة: لا حبيتيهم شغل بريوش ديري زوج مغارف سكر وشويا لافاني والداخل ديري فل حشو شوكولا ولا كونفيتوغ ولا تحبي تخليهم فارغين حسب رغبة وبصحتكم 💚