اضع في اناء زوج كيسان فرينة ممسوحين حجم الكاس 220 ملل وزوج مغارف كبار سكر عادي
مغرفة كبيرة معمرة مليح خميرة الخبز وزوج مغارف كبار حليب بودرة وستة مغارف كبار زيت
حبة بيض ونخلط المقادير مليح ثم نضيف زوج كيسان ماء دافى و نخلط مليح مليح نغطيه و نخليه يخمر 15د

بعد ما يخمر نضيف ملعقة صغيرة ملح معمرة مليح ثم ملعقة كبيرة خميرة كميائية نضيف الفرينة حتا نتطملي العجينة حوالي اربع او خمس كيسان لازم تكون العجينة طرية جدا و تتلاسق نوعا ما ماشي تتلاسق بزاف

نحط العجينة على طاولة العمل نفتحها بيدي شوية و نظيف ملعقة كبيرة زبدة طرية عادية نوزعها على كامل العجينة و نبدا ندلك فيها حتا تنطم وتولي ملساء. نقسم العجينة الى كريات ونسويهم مليح ونحطهم في صينية فيها ورق الطهي ونبسطهم شوية نغطيهم ونخليهم يختمرو بعدها ندهنهم بالحليب بدرجة حرارة الغرفة نظيف جلجلان و سانوج وندخلهم لفرن سخون يطيبو

نقلي اللحم المرحي كريات صغيرة و نشكل البرغر حسب الرغبة